महोत्तरीमा उखुबारीभित्र ६५ वर्षीया महिलाको शव फेला, हत्या भएको आशंका

महोत्तरीमा उखुबारीभित्र ६५ वर्षीया महिलाको शव फेला, हत्या भएको आशंका

लोक आवाज ,

महोत्तरी, ४ मंसिर । महोत्तरीको गौशाला नगरपालिका–१ सानो कुशमाडीस्थित उखुबारीमा एक वृद्धा महिलाको शव शंकास्पद अवस्थामा फेला परेको छ ।

शुक्रबार बिहान स्थानीय ६५ वर्षीया विणामाया पुलामीको शव उखुबारीमा फेला परेको इलाका प्रहरी कार्यालय गौशालाले जनाएको छ ।

प्रहरीका अनुसार पुलामी बिहीबार घाँस काट्न भन्दै घरबाट निस्किएकी थिइन् । तर, रातिसम्म घर नफर्किएपछि खोजी गर्ने क्रममा शुक्रबार बिहान उखुबारीमा उनको शव फेला परेको हो ।

इलाका प्रहरी कार्यालय गौशालाका प्रहरी निरीक्षक मधुसुदन विश्वकर्माका अनुसार शवको प्रकृति हेर्दा महिलाको हत्या भएको हुन सक्ने प्रारम्भिक आशंका गरिएको छ । उनको घाँटीमा गम्छाले कसेको जस्तो देखिएकाले घटनालाई शंकास्पद रूपमा लिएर अनुसन्धान अघि बढाइएको उनले बताए ।

घटनाको अनुसन्धानलाई प्रभावकारी बनाउन तालिम प्राप्त कुकुरसमेत घटनास्थलमा परिचालन गरिएको प्रहरीले जनाएको छ ।

महिलाको मृत्युको वास्तविक कारण तथा घटनामा संलग्न व्यक्तिको पहिचान हुन सकेको छैन । प्रहरीले घटनास्थलको मुचुल्का तथा आवश्यक अनुसन्धान प्रक्रिया अघि बढाएको छ ।

पोस्टमार्टम रिपोर्ट र थप अनुसन्धानपछि घटनाको वास्तविकता खुल्ने प्रहरीले जनाएको छ ।

Related Tag :

प्रतिक्रिया !

सम्बन्धित समाचार