लोक आवाज,
गाजा मंसिर १४ । इजरायलद्वारा गाजामा कएल गेल सैन्य कारबाहीमा अहिलेसम्म ७० हजार १०० भन्दा बढी व्यक्तिहरूको मृत्यु भइसकेको छ। गाजाको स्वास्थ्य मन्त्रालयका अनुसार, १० अक्टोबर देखि लागू युद्ध विरामका बाबजुद पनि मृत्युका आँकडा लगातार बढिरहेका छन्। यसमा ३५० भन्दा बढी मृतक युद्धविरामको पछि भएका छन्।

इजरायल र हमासबीच १० अक्टोबरदेखि युद्धविराम लागु भए तापनि, इजरायलले युद्धविराम उल्लंघन भएको आरोप लगाउँदै केही क्षेत्रमा हवाई आक्रमण गरेको दाबी गरेको छ। त्यहाँ धेरै शवहरू अझै भग्नावशेषभित्र फसिरहेका छन्। सन् २०२३ को ७ अक्टोबरमा हमासले इजरायलको दक्षिणी क्षेत्रमा आक्रमण गर्दै करिब १,२०० जनाको हत्या गरेको थियो र २५१ जनालाई बन्धक बनाएको थियो। यस आक्रमणको जवाफमा इजरायली सेनाले गाजामा व्यापक कारबाही सुरु गरेको थियो।

यो द्वन्द्वले गाजामा नागरिकहरूको जीवनमा गहिरो प्रभाव पारेको छ, र राहत तथा उद्धार कार्य चुनौतीपूर्ण बनेको छ।