लोक आवाज ,
काठमाडौं , १९ चैत । राष्ट्रिय स्वतन्त्र पार्टी (रास्वपा) ले प्रतिनिधिसभाको सभामुख पदका लागि पार्टीका उपसभापति डिपी अर्याललाई अघि सार्ने निर्णय गरेको छ । संसदीय दलको हालै बसेको बैठकमा पार्टी सभापति रवि लामिछानेले अर्यालको नाम प्रस्ताव गरेका थिए । उक्त प्रस्तावलाई बैठकले सर्वसम्मत रूपमा अनुमोदन गरेको जनाइएको छ ।
रास्वपाले सभामुख पदका लागि सक्षम, निष्पक्ष र संसदीय अभ्यासमा अनुभवी व्यक्तित्व आवश्यक रहेको निष्कर्षसहित अर्याललाई उम्मेदवार बनाएको जनाएको छ । पार्टी स्रोतका अनुसार संसदलाई प्रभावकारी, पारदर्शी र जनउत्तरदायी बनाउन अर्यालको भूमिका महत्वपूर्ण हुने विश्वास गरिएको छ ।
यस निर्णयसँगै सभामुख चयन प्रक्रियामा रास्वपाले औपचारिक रूपमा आफ्नो दाबी प्रस्तुत गरेको छ ।
प्रतिक्रिया !